ताजा समाचार


११ लाख घुससहित एक प्रहरी हबल्दार र रेष्टुरेन्टका सञ्चालक पक्राउ

द रियल समाचार     २०७७ फाल्गुन २४, सोमबार, १०: २८ मा प्रकाशित




काठमाण्डौ । महानगरीय प्रहरी वृत्त नयाँबानेश्वरमा कार्यरत एक प्रहरी हबल्दारलाई अख्तियारको टोलीले घुस सहित पक्राउ गरेको छ ।

पक्राउ पर्नेमा प्रहरी हबल्दार तारा कुमारी श्रेष्ठ रहेको अख्तियार दुरुपयोग अनुसन्धान आयोगले जनाएको छ । उनलाई ११ लाख रुपैयाँ घुससहित पक्राउ गरिएको हो ।

श्रेष्ठले लिएको घुस रकम राखिदिएका चाबहिलस्थित ओल्ड टाउन क्याफे एण्ड पब रेष्टुरेन्टका सन्चालन अनिस जोशीलाई पनि अख्तियारले पक्राउ गरेको छ ।

आयोगका सहायक प्रवक्ता वेदप्रसाद भण्डारीका अनुसार श्रेष्ठले भन्सार चोरी निकासीको अभियोगमा त्रिभुवन विमानस्थल भन्सार कार्यालय गौचर काठमाडौंले महानगरीय प्रहरी वृत्त गौशालाको हिरासतमा राखेको व्यक्तिलाई धरौटीमा छुटाइदिन्छु भनी घुस मागेको सूचनाको आधारमा टंगालस्थित अख्तियारको टोली परिचालित भएको थियो ।

सोही क्रममा श्रेष्ठ र जोशी दुवैलाई ११ लाख रकमसहित त्रिभुवन विमानस्थल भन्सार कार्यालय गौचर, काठमाडौंको कार्यालय प्रवेश गर्ने मूलगेट अगाडिबाट नियन्त्रणमा लिइएको आयोगका सहायक प्रवक्ता भण्डारीले बताए ।

उनीहरुमाथि थप अनुसन्धान भइरहेको आयोगले जनाएको छ ।

यो खबर पढेर तपाईलाई कस्तो महसुस भयो ?


प्रतिक्रिया




Top