सिरहा । सिरहामा बलात्कार आरोपमा प्रहरीले एक युवकलाई पक्राउ गरेको छ ।
पक्राउ पर्नेमा धनुषाको धनुषाधाम नगरपालिका–६ हरिपुर घर भई ससुराली गाउँ कल्याणपुर–४ महुलिया बस्ने २८ वर्षीय बैधनाथ दास रहेको प्रहरीले जनाएको छ ।
दासमाथि स्थानीय २४ वर्षीया एक युवतीलाई बलात्कार गरेको आरोप लागेको हो । फागुन १९ गते बुधबार दिउँसो करिब १ बजेको समयमा आफ्नो छोरीलाई दासले ललाईफकाई बलात्कार गरेको भन्दै शुक्रबार पीडितकी आमाले मिर्चैया प्रहरीमा मौखिक जानकारी दिएकी थिइन् ।
उनको उजुरी पश्चात दासलाई पक्राउ गरिएको इलाका प्रहरी कार्यालय मिर्चैयाका प्रहरी नायव उपरिक्षक राजेन्द्र श्रेष्ठले जानकारी दिए ।
सो घटनाबारे आवश्यक थप अनुसन्धान भइरहेको जिल्ला प्रहरी कार्यालय सिरहाका प्रमुख प्रहरी उपरिक्षक सुदिपराज भण्डारीले जानकारी दिए ।
प्रतिक्रिया