काठमाण्डौ । सर्वोच्च अदालतले नेपाल कम्युनिष्ट पार्टी (नेकपा) को नामको बारेमा परेको रिटमाथि आज निर्णय सुनाउने भएको छ ।
सर्वोच्चले नेकपा नामको विवादबारे फागुन २० गते फैसला सुनाउने निर्णय गरेपनि पूर्वप्रधानन्यायाधीश सुरेन्द्रप्रसाद सिंहको निधनको शोकमा सो दिन अदालत बिदा भएपछि पेशी सरेको थियो ।
ऋषि कट्टेलले दुई वर्षअघि आफ्नो पार्टीसँग मिल्ने नाम केपी शर्मा ओली र पुष्पकमल दाहाल ‘प्रचण्ड’ लाई दिएको भन्दै रिट हालेका थिए । निर्वाचन आयोग विरुद्ध परेको सो मुद्धाको सुनुवाई फागुन १३ मा सकिएको थियो ।
न्यायाधीश बमकुमार श्रेष्ठ र कुमार रेग्मीको संयुक्त इजलासबाट सो मुद्दाको अन्तिम सुनुवाई गरिएको हो ।
प्रतिक्रिया