जनकपुरधाम । समाजमा शान्ति र प्रगतिका लागि जानकी मन्दिरमा रुद्राभिषेक पूजा गरिएको छ । ब्राह्मण समाज नेपालले रुद्राभिषेक पूजाको आयोजना गरेको हो ।
समाजका अध्यक्ष कौशलेन्द्र मिश्रले समाज र राष्ट्रलाई प्रगतिको बाटोतर्फ डोर्याउन भगवानको कृपाले मद्दत पुग्ने उद्देश्यका साथ जानकी मन्दिरको प्राङ्गणमा रुद्राभिषेक पूजाको आयोजना गरिएको बताए ।
उनले समाजमा व्याप्त विकृति विसङ्गतिलाई समेत भगवानले आफ्नो आशिर्वादले समाप्त गर्नुहुने विश्वासका साथ ब्राह्मण समाज नेपालले पूजा आयोजन गरेको जानकारी दिए ।
पूजा विधिमा सुनिल झा (मिन्टन) राजिब झा, कोमल कान्त झा, धिरेन्द्र मोहन झा, डा.अजय झालगायत १५ जना सहभागी थिए ।
रुद्राभिषेक पूजामा सुजित मिश्र, परशुराम झा, पप्पु मिश्र, घन्श्याम झा, शम्भु झा, धिरेन्द्र झालगायतकाहरुको समेत सहभागिता रहेको थियो ।
प्रतिक्रिया