जनकपुरधाम । नेपाली, भोजपुरी, मैथिली लगायत विभिन्न भाषामा गीत गाएर साङ्गीतिक क्षेत्रमा लोकप्रिय बनिसकेका गायक रुद्रसेन विश्वकर्माको मैथिली गित ‘आबन बैठ भट्भटिया पऽ’ बोलको गीतको भिडियो सार्वजनिक भएको छ । गीतमा गायक रुद्रसेनकै शब्द र सङ्गीत रहेको छ ।
निर्मार्ती नीर कुमारी विश्वकर्मा (सविना) को निर्माण रहेको यस नेपाली–मैथिली भिडियो एल्वम ‘प्रीतके बन्धन’ को दोस्रो नम्बरमा रहेको ‘आबन बैठ भट्भटिया पऽ’ गीतलाई निर्देशनमा खप्पिस चर्चित निर्देशक प्रदीप कुमार रसाइलीको निर्देशनमा तयार पारिएको छ ।
भिडियोमा नबिन गिरीले छायांकन गरेका छन् । यस म्युजिक भिडियोमा रुद्रसेन विश्वकर्मा, लजिना सुवेदी, लिजा कौसल, पुजा ठाकुर, माहि खान, रोजिना क्षेत्रि र सबिका भट्टराईलाइ फिचर्ड गरिएको छ ।
भिडियोको अन्तिममा निर्मार्ती सविनालाई पनि दमदार भूमिकामा ईन्ट्री गराइएको छ । यो भिडियो गायक रूद्रसेन विश्वकर्माकै अफिसियल युट्युब च्यानल Rudrasen Bishwakarma मार्फत सार्वजनिक गरिएको छ । तराइका चर्चित ६ जना मोडलहरुलाइ एकै पटक भिडियोमा ल्याएका गायक रुद्रसेनका गीतहरु चर्चाको शिखरमा पुग्न सफल भएका छन् ।
लगातार एक पछि अर्को भिडियो नेपाली सांगीतिक क्षेत्रमा पस्कन सफल गायक विश्वकर्मा भर्सटायल गायकको रुपमा समेत परिचित छन् । दर्शकले उनको गीत खुबै रुचाउँछन् ।
प्रतिक्रिया