महोत्तरी । महोत्तरीमा सवारी दुर्घटनामा परी एकजना पैदलयात्रीको मृत्यु भएको छ ।
मृत्यु हुनेमा जिल्लाको बर्दिबास नगरपालिका–३ गौरीडाँडा बस्ने ६६ वर्षीया भद्रामायाँ भुजेल रहेको प्रहरीले जनाएको छ । बर्दिबासबाट सिन्धुलीतर्फ जाँदै गरेको लु ५९ प ३७३५ नम्बरको मोटरसाइकलले भुजेललाई बाटो काट्ने क्रममा ठक्कर दिएको थियो ।
उपचारका लागि काठमाडौं लग्दै गर्दा उनको बाटोमै मृत्यु भएको इलाका प्रहरी कार्यालय बर्दिबासका प्रहरी नायव उपरिक्षक बीरेन्द्र थापाले जानकारी दिए ।
मोटरसाईकल चालक बर्दिबास–३ पाटुका २५ वर्षीय युवराज माझी र मोटरसाइकलमा सवार पुर्णिमा माझी घाइते भएका छन् । घटना सम्बन्धमा थप अनुसन्धान भईरहेको प्रहरीले जनाएको छ ।
प्रतिक्रिया