काठमाण्डौ । पूर्वपश्चिम राजमार्गमा दुई वटा ट्रक एकआपसमा जुध्दा दुबै ट्रकको चालकको मृत्यु भएको छ ।
पूर्वीनवलपरासीको दुम्कौलीमा सो दुर्घटना भएको हो । दुर्घटनामा परी दुई जना घाइते समेत भएका छन् । ना६ख ३०११ र ना७ख ७०२३ नम्बरको ट्रक सोमबार राति १२ बजे एकआपसमा ठोक्किएका थिए ।
दुर्घटनामा ३०११ नम्बरको ट्रक चालक पोखरा महानगरपालिका वडा नं. १५ बस्ने ५१ वर्षीय खिमबहादुर विक र ७०२३ नम्बरको ट्रक चालक मकवानपुरगढी गाउँपालिकाका ३५ वर्षीय राजकुमार न्यौपानेको मृत्यु भएको इलाका प्रहरी कार्यालय रजहरले जनाएको छ ।
दुवै चालकको जिल्ला अस्पताल डण्डामा आज बिहान करिब तीन बजे मृत्यु भएको प्रहरीले जनाएको छ । त्यस्तै घाइते हुनेमा तनहुँको बन्दीपुर बस्ने वर्ष १८ का विश्वास शाही र दाङको बबई-६ घर भएका सुन्दर खड्का भनिने घनश्याम खड्का छन् ।
उनीहरुको अवस्था पनि गम्भीर रहेको र थप उपचारका लागि चितवनस्थित पुरानो मेडिकल कलेजमा पठाइएको प्रहरीले जनाएको छ ।
प्रतिक्रिया