रौतहट । नेपाल कम्युनिष्ट पार्टी (नेकपा) दाहाल-नेपाल समूहका नेता योगेश भट्टराई सवारी गाडीले ठक्कर दिँदा एकजना साइकल यात्री घाइते भएका छन् ।
आइतवार जनकपुरधाममा प्रेस संगठनको कार्यक्रम सकेर रौतहटतर्फ आइरहेका उनी सवार सवार ज १ झ ४२७ नम्बरको गाडीले ठक्कर दिँदा करिब ६० वर्षीय इन्द्र प्रसाद घिमिरे घाइते भएका हुन् ।
रौतहटको चन्द्रनिगाहपुरस्थित पूर्व-पश्चिम राजमार्गमा नेकपा दाहाल-नेपाल समूहका नेता समेत रहेका पूर्वमन्त्री भट्टराई सवार गाडीले घिमिरेलाई साँझ करिव सवा ७ बजे ठक्कर दिएको थियो।
गाडीको ठक्करबाट घाइते घिमिरेको चन्द्रनिगाहपुरस्थित सिभिल अस्पताल पुर्याइएकोमा त्यहाँबाट थप उपचारका लागि काठमाण्डौस्थित बि एण्ड बि अस्पताल रेफर गरिएको हो ।
घिमिरेलाई भट्टराई सवार गाडीले ठक्कर दि दिँदा उनी स्वयं गाडीबाट ओर्लेर उनलाई अस्पताल पुर्याएका थिए ।
प्रतिक्रिया