काठमाण्डौ । बृहत नागरिक आन्दोलनको अगुवाइमा काठमाण्डौ महानगरपालिका कार्यालय अगाडि आइतबार धर्ना दिइएको छ ।
उनीहरुले विकासको नाममा ‘प्रतिगमन’ भएको भन्दै धर्ना दिएका हुन् । धर्नामा उपत्यकाव्यापी सडक विस्तार पीडित संघर्ष समिति र नेवाः देय दबुका प्रतिनिधिहरु पनि सहभागी थिए ।
स्थानीयलाई उठिबास लगाउने गरी सडक विस्तारको विरोध गर्दै आएका उनीहरुले सम्पदा संरक्षणमा समेत जोड दिएका छन् । धर्नामा बसेकाहरुले ‘नागरिकलाई सडक छाप बनाउने कस्तो नीति ? कस्तो सरकार ?’ लगायत नारा लेखिएका प्लेकार्ड बोकेका थिए ।
बालाजु बाइपास सडक विस्तारको क्रममा उठिबास लगाइएकालाई सोही स्थानमा पुनःस्थापित गर्नसमेत माग गरेका छन् । शुक्रबार उनीहरुले काठमाण्डौको कमलपोखरीमा बनाइएको कंक्रिकटको संरचना भत्काएका थिए ।
प्रतिक्रिया