काठमाण्डौ । नेपाली युवा क्रिकेटर सन्दीप लामिछानेले पुरानै क्लब लाहोर कलन्दर्सबाट पाकिस्तान प्रिमियर लिग (पिएसएल) खेल्ने भएका छन् ।
अक्सनमा बिक्री नभएका सन्दीपले लाहोरका लेग स्पीनर रशिद खानको स्थानमा खेल्ने मौका पाएका हुन् । अफगास्तिानको राष्ट्रिय टोलीबाट खेल्नु परेका कारण रशिद खान फर्किएपछि लाहोरले सन्दीप लागि बोलाएको हो । सन्दीप शनिबार नै कतार एयरवेजको जहाजमार्फत कतारको दोहा हुँदै प्रतियोगितास्थल कराँची पुग्नेछन् ।
२० फेबु्रअरीबाट सुरु भएको पिएसएलमा हालसम्म ८ खेल भइसकेका छन् । कलन्दर्सले ३ खेल खेलिसकेको छ । जसमा ३ खेलबाट २ जित र १ हारको नतिजा सहित ४ अंकका साथमा तेस्रो स्थानमा छ ।
पिएसएलको अक्सनमा सन्दीप सबैभन्दा महंगो श्रेणी प्लाटिनममा थिए । सन्दीपले सन् २०१९ मा पनि कलन्दर्सबाटै पिएसएल खेलेका थिए । त्यतीबेला सन्दीपले ६ खेलबाट ११ विकेट हात पारेका थिए । अघिल्लो सिजन भने उनलाई कुनै टिमले अनुबन्ध गरेका थिएनन् ।
प्रतिक्रिया