जनकपुरधाम । सिरहाबाट अवैध औषधिसहित एकजना पक्राउ परेका छन् । पक्राउ पर्नेमा धनुषाको धुनषाधाम नगरपालिका–९ धारापानीका ४२ वर्षीय अब्जल मन्सुर रहेको सशस्त्र प्रहरीले जनाएको छ ।
सिरहाको भन्सार गेटबाट चेकजाँचका क्रममा सशस्त्रको टोलीले ५० हजार बराबरको अवैध औषधिसहित मन्सुरलाई पक्राउ गरेको हो ।
नेपाल बोर्डर आउट पोष्ट मार्डरबाट खटिएको सशस्त्र प्रहरीको टोलीले प्रदेश २–०२ ०११ प ४६४९ नम्बरको मोटरसाइकलमा भारतबाट नेपालतर्फ आउँदै गरेको समयमा मन्सुरको साथमा औषधि फेला परेको जनाइएको छ ।
मनसुरलाई औषधि र उनी सवार मोटरसाइकलसहित आवश्यक कारवाहीका लागि भन्सार कार्यालय मार्डरमा पठाइएको सशस्त्र प्रहरीले जनाएको छ ।
तस्बिर : सांकेतिक
प्रतिक्रिया