एजेन्सी । भारतका खर्बपति मुकेश अम्बानीको निवास एन्टिलिया बाहिर एउटा कारमा विस्फोटक पदार्थ भेटिएको छ । रिलायन्स इन्डस्ट्रिजका प्रमुख मुकेश अम्बानीमाथि आक्रमणको निशाना बनाउन खोजिएपछि सुरक्षा बढाइएको छ ।
पुलिस जाँचमा पाइए अनुसार मुकेश अम्बानीको घरमा एक महिनासम्म रेकी गर्नेहरुले विस्फोटक पदार्थ राखेको अनुमान गरिएको छ । यति मात्रै होइन उनीहरुले कयौँ पटक मुकेश अम्बानीको गाडीको पिछा गरेको पनि भेटिएको छ । रिपोर्ट अनुसार बुधवार राति १ बजे यो कार एन्टिलिया बाहिर पार्क गरिएको थियो । यसअघि यो कार हाजी अली चोकमा पुगेको पाइएको थियो, जहाँ यो कार करिब १० मिनेटसम्म रोकिएको थियो ।
कारमा कयौँ धम्कीसहितका पत्र पनि भेटिएको छ । जहाँ लेखिएको थियो, ’यो ट्रेलर मात्रै हो, पूरा बन्दोबस्त भइसकेको छ ।’ एन्टिलिया बाहिर भेटिएको कारमा कम्प्युटरमा टाइप गरिएको चिट्ठी झोलामा भेटिएको हो जसमा मुम्बई इन्डियन्स लेखिएको छ ।
जाँचका क्रममा २० वटा नम्बर प्लेट पनि भेटिएका छन् । कयौँ नम्बर त्यस्ता छन् जो अम्बानीकै कर्मचारीले प्रयोग गर्ने कारका हुन् । प्रहरीका अनुसार नम्बर प्लेटबाट अम्बानीको कयौँ दिनसम्म पिछा गरेको पुष्टि भएको छ ।
प्रतिक्रिया