काठमाण्डौ । काठमाण्डौको दक्षिणकालीमा टिपरको ठक्करबाट एकजना पैदलयात्रीको मृत्यु भएको छ ।
टिपरले ठक्कर दिँदा मकवानपुरको भिमफेँदी-८ का ३५ वर्षीय सन्तलाल लुम्बाको मृत्यु भएको छ ।
हिजो बेलुकी सवा ७ बजे पैदल हिँडिरहेका लुम्बालाई नाम्चेखानीबाट फर्पिङ आउँदै गरेको बा २ क ४५५३ नम्बरको टिपरले ठक्कर दिएको थियो । ललितपुरस्थित नेपाल मेडिसिटी अस्पतालमा उपचारको क्रममा लुम्बाको गएराति पौने ९ बजे उनको मृत्यु भएको प्रहरीले जनाएको छ ।
टिपरसहित चालकलाई इलाका प्रहरी कार्यालय फर्पिङले नियन्त्रणमा लिएको छ ।
प्रतिक्रिया