काठमाण्डौ । नेपाल कम्युनिष्ट पार्टी (नेकपा) को नामको विषयमा सर्वोच्च अदालतले फागुन २० गते निर्णय सुनाउने भएको छ ।
बिहीबार न्यायाधीश बमकुमार श्रेष्ठ र कुमार रेग्मीको इजलासले उक्त मुद्दामा सुनुवाई सकेको हो । सुनुवाई सकिएपनि निर्णय भने फागुन २० गतेका लागि तोकिएको सर्वोच्चका एक अधिकारीले जानकारी दिए ।
निर्वाचन आयोगले नेपाल कम्युनिस्ट पार्टी (नेकपा) नाममा दर्ता गरिदिएपछि उक्त निर्णयविरुद्ध कट्टेल नेतृत्वको नेकपाका तर्फबाट ०७५ मंसिर २१ गते सर्वोच्चमा रिट दायर भएको थियो ।
आफ्नो पार्टीसँग मिल्ने गरी नाम दिएको भन्दै नेपाल कम्युनिष्ट पार्टीका अध्यक्ष ऋषि कट्टेलले निर्वाचन आयोगलाई विपक्षी बनाई सर्वोच्चमा २ वर्ष पहिले नै रिट दायर गरेका थिए ।
प्रतिक्रिया