सिरहा । सिरहास्थित सामुदायिक वनमा एकजना महिलाको शव फेला परेको छ ।
जिल्लाको मिर्चैया नगरपालिका वडा नम्बर-७ स्थित हरियो सामुदायिक वनमा कुहिएको अवस्थामा महिलाको शव फेला परेको हो ।
जिल्ला प्रहरी कार्यालय सिरहाले दिएको जानकारी अनुसार पहिचान खुल्न नसकेकी अन्दाजी ३० वर्षीया मृतक महिलाले रातो कुर्ता, हरियो सुरुवाल र पाउजु लगाएकी छन् ।
स्थानीय गोठालाहरुले जंगल जाँदा महिलाको शव देखेपछि प्रहरीलाई खबर गरेका थिए । प्रहरीले मृतकको शव पोष्टमार्टमका लागि लहान लगेको छ।
घटना सम्बन्धमा थप अनुसन्धान सुरु गरिएको तथा मृतकका आफन्तको खोजी समेत भइरहेको जिल्ला प्रहरी कार्यालय सिरहाले जनाएको छ ।
प्रतिक्रिया