हेटौंडा । त्रिभुवन राजपथ अन्तर्गत हेटौंडा–१ चौकिटोलमा दुई वटा सुमो एक आपसमा ठोक्किदा ११ जना घाइते भएका छन् ।
यात्रु बोकेर हेटौंडाबाट काठमाण्डौ जादै गरेको प्रदेश–३–०३–००१ ज ००२९ नम्बरको सुमो र विपरित दिशातर्फबाट आउँदै गरेको ना १ ज २४६० नम्बरको सुमो एकआपसमा ठक्कर खाँदा दुर्घटना भएको थियो ।
दुर्घटनामा परि दुवै सुमोका ११ जना घाइते भएका छन् । घाइतेहरुको परिचय खुल्न सकेको छैन् । उनीहरुको हेटौंडाको विभिन्न अस्पतालमा उपचार भइरहेको मकवानपुर ट्राफिक प्रहरीले जनाएको छ ।
दुबै सुमो चालकसहित प्रहरी चौकी चौकिटोलको नियन्त्रणमा रहेको र घटना सम्बन्धमा थप विवरण आउन बाँकी रहेको प्रहरीले जनाएको छ ।
प्रतिक्रिया