सप्तरी । सप्तरीबाट लागुऔषधसहित ३ जना पक्राउ परेका छन् ।
जिल्लाको तिलाठी कोईलाडी गाउँपालिका-१ बेल्हीबाट सशस्त्र प्रहरीको टोलीले उनीहरुलाई पक्राउ गरेको हो ।
भारतबाट लागूऔषध ल्याउँदै गरेको अवस्थामा मोरङ्गको पथरी निवासी २३ वर्षीय निर्मल परियार, २५ वर्षीय करण लिम्बु र २५ वर्षीय करण तामाङ्ग रहेको सशस्त्र प्रहरी सप्तरीका प्रहरी उपरीक्षक राजु श्रेष्ठले जानकारी दिए ।
उनीहरुको साथबाट फेनार्गन इन्जेक्सन १० थान, डाइजेपाम इन्जेक्सन ११ थान र लिजेसिक इन्जेक्सन १० थान बरामद भएको उनले बताए ।
पक्राउ गरिएकाहरुलाई थप अनुसन्धानका लागि प्रहरी चौकी तिलाठीको जिम्मा लगाइएको सशस्त्र प्रहरी सिमा चेक आउट पोष्ट बीओपी तिलाठीले जनाएको छ ।
प्रतिक्रिया