एजेन्सी । नाइजेरियाको एक एयरपोर्टबाट उडान भरेको केही बेरमै एक सैनिक विमान दुर्घटनामा परेको छ ।
एयरपोर्टमा उपस्थित सयौँ यात्रुकै अगाडि झरेको यो जहाज केही बेरमै जलेर खरानी बन्यो । यो दुर्घटनामा जहाजमा सवार सातजना यात्रु पनि मारिएका छन् । रिपोर्ट अनुसार इन्जिन फेल भएपछि विमानमा विस्फोट भएको थियो ।
त्यसपछि आबुजा एयरपोर्ट नजिकै खसेको जहाजमा आगो लागेको थियो । जहाजमा सवार सैन्य अधिकारीहरु एउटा उद्धार मिसनमा जाँदै थिए । इन्जिनमा आगो लागेपछि विमानले आपत्कालीन अवतरणको कोसिस गरेको थियो । तर सफलता मिलेन । एयरपोर्टका एक कर्मचारीका अनुसार हेर्दा हेर्दै जमिनमा बजारिएको जहाज केही बेरमै खरानी भयो ।
शनिवार अमेरिकामा युनाइटेड एयरलाइन्सको एक विमानमा पनि आगो लागेको थियो। तर यात्रुलाई कुनै क्षति भएको थिएन । उक्त जहाजलाई आपत्कालीन अवतरण गराइएको थियो ।
प्रतिक्रिया