बारा । प्रदेश २ को बारा जिल्लामा भ्यानको ठक्करबाट एक पुरुषको मृत्यु भएको छ ।
जिल्लाको कलैया–वीरगञ्ज सडक खण्डमा आइतबार दुर्घटनामा परी मृत्यु हुनेमा प्रसौनी गाँउपालिका–५ प्रस्टोकाका अन्दाजी ४० वर्षीय दुर्योधन चौधरी रहेको प्रहरीले जनाएको छ ।
कलैया उपमहानगरपालिका–३ स्थित अस्थाई ट्राफिक प्रहरी कार्यालय अगाडि कलैयाबाट वीरगञ्ज जाँदै गरेको ना १ ज ८८३९ नम्बरको म्याजिक भ्यानले विपरीत दिशाबाट आउँदै गरेको ना ४ प ५१२४ नम्बरको मोटरसाईकललाई ठक्कर दिएको थियो ।
बाराका प्रहरी निरिक्षक सुरेन्द्र यादवका अनुसार आइतबार बिहान सबा ११ बजे भएको दुर्घटनाबाट गम्भीर घाइते चौधरीलाई कलैया अस्पताल लगिएको थियो । घाइते चौधरीको उपचारको क्रममा ज्यान गएको उनले बताए ।
मोटरसाईकलाई ठक्कर दिने म्याजिक भ्यान र चालक प्रहरीको नियन्त्रणमा रहेको र घटना सम्बन्धमा थप अनुसन्धान भईरहेको प्रहरीले जनाएको छ ।
प्रतिक्रिया