जनकपुरधाम । धनुषाबाट शनिबार अपहरणमा परेका एक बालकको ७ घण्टामै सकुशल उद्धार गरिएको छ ।
जिल्लाको नगइराइन नगरपालिका वडा नम्बर- ६ स्थित जटहीबाट शनिबार दिउँसो अपहरणमा परेका ७ वर्षीय बालकको प्रहरीले ७ घण्टा भित्रै उद्धार गरेको हो ।
जटहीका रमेश दासका ७ वर्षीय छोरा चन्दन दास शनिबार दिउँसो १ बजेबाट हराएका थिए ।
अपहरणमा परेका सो बालकलाई शनिबार राति जनकपुरको एक होटेलबाट उद्धार गरिएको जिल्ला प्रहरी कार्यालय धनुषाले जनाएको छ ।
प्रहरीले दिएको जानकारी अनुसार साँझमा उनको घरमा बच्चालाई अपहरण गरिएको भन्दै १ करोड रुपैयाँ फिरौती मागिएको थियो ।
अपहरणमा संलग्न बालकका २ जना मामा र पितासमेत गरि ३ जना पक्राउ परेको प्रहरीले जनाएको छ ।
पक्राउ परेकाहरु मध्ये पिता रमेश दास र मामा लक्ष्मेश्वर दास रहेका छन् भने अर्का एक मामाको नाम खुल्न सकेको छैन् ।
घटनाबारे अन्य अनुसन्धान पश्चात आज दिउँसो २ बजे पत्रकार सम्मेलनमार्फत उनीहरूलाई सार्वजनिक गरिने धनुषा प्रहरीले जनाएको छ ।
प्रतिक्रिया