ताजा समाचार


केन्द्रिय सदस्यको नागरिकतासहित दाहाल–नेपाल समूह आयोग जाँदै

द रियल समाचार     २०७७ फाल्गुन ७, शुक्रबार, १०: ४७ मा प्रकाशित




काठमाण्डौ । नेपाल कम्युनिष्ट पार्टी (नेकपा) दाहाल-नेपाल समूह आधिकारिकता दावी गर्दै आज निर्वाचन आयोग जान लागेको छ ।

बहुमत केन्द्रिय सदस्यहरु आफ्नो पक्षमा रहेकाले नेकपाको आधिकारिकता आफूहरुले नै पाउनुपर्ने बताउँदै आएको सो समूह आज आफ्ना केन्द्रिय सदस्यहरुको नागरिकतासहित निर्वाचन आयोग जाने तयारी गरेको हो ।

दाहाल-नेपाल समूहले आफ्ना केन्द्रिय सदस्यहरुलाई आ–  आफ्नो नागरिकतासहित मध्याह्नसम्म पार्टी कार्यालयमा भेला हुन आ।आह्वान गरिसकेको छ ।

दाहाल-नेपाल समूहले निर्वाचन आयोगमा वैधानिकताको दावी गर्दै २८७ जनाको नाम बुझाएपनि पार्टी विभाजन हुनु अघिको केन्द्रिय कमिटीको ४४१ मध्ये ३१५ बढी आफ्नो पक्षमा रहेको दावी गर्दै आएको छ ।

गत पुस ५ गते सरकारले संसद विघटन गरेलगत्तै नेकपा दुई खेमामा विभाजित भएको छ । अहिले दुबै पक्षले आधिकारिक नेकपा आफू नै रहेको दाबी गर्दै आएका छन् ।

यता, निर्वाचन आयोगले भने आधिकारिकता विवाद अझै टुंगो लगाएको छैन ।

यो खबर पढेर तपाईलाई कस्तो महसुस भयो ?


प्रतिक्रिया




Top