काठमाण्डौ । नेपाल कम्युनिष्ट पार्टी (नेकपा) दाहाल–नेपाल समूहले आज मानव साङ्लो बनाएर टुँडिखेल घेराउ गरेको छ ।
संसद विघटनविरूद्ध आन्दोलनरत नेपाल कम्युनिष्ट पार्टी (नेकपा) दाहाल–नेपाल समूहले आज मानव साङ्लोसहित काठमाण्डौको टुँडिखेल घेरेको हो । सो समूहले फागुन ५ गतेदेखि सुरू गरेको चौथो चरणको आन्दोलनको कार्यक्रमअन्तर्गत आज दोस्रो दिन टुँडिखेलबाहिर मानव साङ्लो बनाएर विरोध प्रदर्शन गरेको छ ।
चौथो चरणको आन्दोलनको कार्यक्रम अन्तर्गत आज संसद विघटन, महँगी र भ्रष्टाचारका मुद्दा उठाउँदै अपराह्न ४ बजेदेखि एक घण्टासम्म टुँडिखेल घेराउ गरिएको छ । उनीहरूले विभिन्न नारा लेखिएको प्लेकार्ड बोकेर प्रदर्शन गरेका हुन् ।
संघर्ष समितिका सह–संयोजक योगेश भट्टराईले यसअघिका आन्दोलन सफल भएको निचोडसहित अब चौथो चरणको आन्दोलन शुरुवात गरिएको बताए ।
प्रतिक्रिया