जनकपुरधाम । सर्लाहीमा गुडिरहेको ट्याक्टरमा करेन्ट लाग्दा आगलागी भएको छ ।
जिल्लाको मुर्तियाबाट उखुको भुस लोड गरि जिरायततर्फ जाँदै गरेको ना. १ त ७२८९ नम्बरको ट्याक्टरमा बरहथवा नगरपालिका-९ मुर्तियामा करेन्ट लागेको प्रहरीले जनाएको छ ।
प्रहरीका अनुसार ११ हजार भोल्टको विद्युतको तारमा छुन गई करेन्ट लागेर आगलागी हुँदा ट्याक्टरको पछाडिको ट्रली र भुस पूर्ण रुपमा जलेको छ ।
आगलागीबाट दुई लाख बराबरको क्षति भएको बताइएको छ । मानवीय क्षति हुनबाट भने जोगिएको जिल्ला प्रहरी कार्यालय सर्लाहीका प्रवक्ता मदन कुँवरले जानकारी दिए ।
स्थानीयबासी र प्रहरीको सहयोगमा ट्याक्टरको आगच नियन्त्रणमा लिइएको थियो ।
तस्बिर : सांकेतिक
प्रतिक्रिया