जनकपुरधाम । धनुषामा एकाबिहानै एक महिलाको शव खेतमा फेला परेको छ ।
जिल्लाको कमला नगरपालिका वडा नम्बर-२ माचि झिटकैयामा आज बिहान एक महिलाको शव खेतमा फेला परेको ईलाका प्रहरी कार्यालय खजुरीले जनाएको छ ।
कमला नगरपालिका वडा नम्बर-२ माचि झिटकैया टोल पस्ने हुलाकी राजमार्गभन्दा करिब १० मिटर दक्षिण खेतमा सो महिलाको शव मृत फेला परेको सोही वडाका वडाध्यक्ष धनेश्वर यादवले जानकारी दिए ।
मृतक महिला झिटकैयाको पश्चिमवारी टोल बस्ने खुसिया गडेरीकी अन्दाजी ४२ वर्षीया पत्नी रहेको उनले बताए ।
आज बिहान स्थानीय एक युवक दिसा गर्नका लागि घरबाट बाहिर निस्केर खेततर्फ जान लाग्ने क्रममा महिलालाई मृत अवस्थामा देखेपछि वडाध्यक्षलाई खबर गरेका थिए ।
मृतक महिला खुसिया गडेरीको दुई पत्नी मध्ये जेठी पत्नी थिईन् । उनको हत्या गरेर खेतमा फालेको हुनसक्ने आशंका गरिएको छ ।
ईलाका प्रहरी कार्यालय खजुरीका प्रहरी नीरिक्षक हृयेन्द्र रोकायाले घटना बारे अनुसन्धान सुरु गरिएको जानकारी दिए ।
प्रतिक्रिया