एजेन्सी । अमेरिकाको टेक्सास राज्यमा सडकमा एक सयभन्दा बढी सवारी साधन एकआपसमा ठोक्किएका छन् ।
दुर्घटनामा परी अहिलेसम्म ६ जनाको मृत्यु भएको न्युयोर्क टाइम्सले जनाएको छ । दर्जनौं मानिसहरू आफ्नो सवारीभित्रै थुनिएका थिए । बरफले सडक चिप्लो भएका कारणले दुर्घटना भएको हुन सक्ने बताइएको छ ।
फोर्ट वर्थ फायर डिपार्टमेन्टका अनुसार दुर्घटनामा १८ चक्के र कारहरू परेका हुन् । स्थानीय सञ्चारमाध्यमले प्रसारण गरेका भिडियोमा एउटा गाडीमाथि अर्को गाडी चढेको देखिएको छ ।
दुर्घटनामा परी घाइते भएका ३६ जनालाई अस्पताल लगिएको छ । तीमध्ये ३ जनाको अवस्था गम्भीर छ । ६५ जनालाई सामान्य उपचार गरिएको छ ।
फायर डिपार्टमेन्टका एक जना प्रवक्ताले खप्टिएका सवारी निकाल्न ट्रकको प्रयोग गरिएको र हरेक गाडीमा ड्राइभर र यात्रु छन् कि भनेर खोजिएको बताए । दुर्घटनाबारे थप अनुसन्धान भइरहेको अधिकारीहरूले जनाएका छन् ।
प्रतिक्रिया