सप्तरी । सप्तरीमा भएको आगलागीमा परी ५ लाख बराबरको क्षति भएको छ ।
जिल्लाको राजगढ गाउँपालिका वडा नम्बर–५ स्थित धौनकी टोलमा आगलागी हुँदा सो बराबरको क्षति भएको हो । बुधबार बिहान स्थानीय सहदेव मण्डलको गाइको गोठमा बालिएको घुरबाट अचानक आगो सल्किएर आगलागी भएको प्रहरीले जनाएको छ ।
आगोबाट मण्डलको गाइ गोठका साथै उनका छिमेकीहरु शिवकुमार मण्डल, सुवंश मण्डल र कपलेश्वर मण्डलको घर जलेर नष्ट भएको छ । अचानक भएको आगलागीमा परी सहदेवको भैंसी जलेर मरेको जिल्ला प्रहरी कार्यालय सप्तरीले जनाएको छ । शिवकुमारको करिब २५ मन धान समेत जलेर खरानी भएको स्थानीयवासीले बताएका छन् ।
राजविराज नगरपालिकाबाट गएको बारुणयन्त्र प्रहरी र स्थानीयवासिन्दाको सहयोगमा आगो नियन्त्रणमा लिएको छ ।
प्रतिक्रिया