सर्लाही । सर्लाहीबाट लागुऔषध सहित एकजना पक्राउ परेका छन् ।
पक्राउ पर्नेमा जिल्लाको मलंगवा नगरपालिका–४ बस्ने ४१ वर्षीय सुरेन्द्र यादव रहेको प्रहरीले जनाएको छ ।
सशस्त्र प्रहरी बल हरिवन बेसक्याम्पको टोलीले सदरमुकाम मलंगवाबाट नवलपुरतर्फ आउँदै गरेको अवस्थामा लागूऔषध सहित यादवलाई पक्राउ गरेको हो ।
चेकजाँचको क्रममा नवलपुर–मलंगवा सडकखण्ड अन्तर्गत लालबन्दी नगरपालिका–२, जुटपानीमा भारतीय नम्बर प्लेटको मोटरसाईकलमा लागूऔषधको रुपमा प्रयोग हुने नेपालमा प्रतिबन्धित ७५ बोतल वीन्सिरेक्स सहित यादवलाई नियन्त्रणमा लिईएको सशस्त्र प्रहरीले जनाएको छ ।
लागूऔषध, मोटरसाईकल लगायतका सामान सहित यादवलाई आवश्यक कारवाहीका लागि ईलाका प्रहरी कार्यालय लालबन्दीको जिम्मा लगाईएको सशस्त्र प्रहरी बेस क्याम्प हरिवनले जनाएको छ ।
प्रतिक्रिया