रौतहट । रौतहटबाट ६ वटा सालको गोलिया काठ बरामद भएको छ ।
डिभिजन वन कार्यालय चोंचाको टोलीले सो काठ बरामद गरेको हो ।
वन कार्यालयका प्रमुख राजेश साहको नेतृत्वमा गएको सशस्त्र वनगस्ती टोलीले सोमबार राती गुजरा नगरपालिकाको मैढा टोल नजिकै ६ वटा साइकलमा लोड गरेर राखिएको अवस्थामा ६ वटा सालको गोलिया काठ बरामद गरेको हो ।
अवैध रुपले वनबाट काठ लगिरहेको सूचनाको आधारमा गएको गस्ती टोलीलाई देख्नासाथ काठ तस्करहरु भने फरार भएका थिए ।
यसअघि सोमबार राति पनि बलुवा टोलको नहरबाट ८ क्यूफिट गोलिया काठ बरामद भएको थियो ।
बरामद काठ र साइकल डिभिजन वन कार्यालय चोंचामा राखिएको तथा तस्करहरुको खोजी भईरहेको जिल्ला वन कार्यालय रौतहटले जनाएको छ ।
बरामद काठ २९ क्यूफिट भन्दा बढी रहेको प्रमुख साहले बताए ।
तस्बिर : सांकेतिक
प्रतिक्रिया