सप्तरी । सप्तरीबाट हतियार सहित दुईजना पक्राउ परेका छन् ।
पक्राउ पर्नेमा जिल्लाको शम्भुनाथ नगरपालिका वडा नम्बर-२ भलुवाहि बस्ने २५ बर्षीय रामपुकार माझी र सोही ठाउँका २२ बर्षीय रामस्वरुप मण्डल रहेको जिल्ला प्रहरी कार्यालय सप्तरीका प्रवक्ता प्रहरी नायव उपरिक्षक भुवनेश्वर साहले जानकारी दिए ।
ईलाका प्रहरी कार्यालय रुपनीको टोलीले विशेष सुचनाको आधारमा छापामारी गर्दा उनीहरु पक्राउ परेका थिए । उनीहरुको साथबाट एकनाले भरुवा बन्दुक बरामद गरिएको डिएसपी साहले बताए ।
दुबै जनालाई हिरासतमा राखि थप अनुसन्धान कार्य अगाडी बढाइएको उनले जानकारी दिए ।
प्रतिक्रिया