काठमाण्डौ । नेपाल कम्युनिष्ट पार्टी (नेकपा) ओली समूहले आज काठमाण्डौमा शक्ति प्रदर्शनसहित नारायणहिटी अगाडि आमसभा गर्न लागेको छ ।
शक्ति प्रदर्शनका लागि ओली समूहले देशका विभिन्न जिल्लाबाट काठमाण्डौमा ३ लाख मानिस उतार्ने जनाएको छ ।
कार्यक्रमको पूर्वसन्ध्यामा युवा संगठनले बिहीबार साँझ काठमाण्डौमा मार्चपाससमेत गरेको थियो । आजको शक्ति प्रदर्शनमा भने कार्यकर्ताहरु काठमाण्डौको विभिन्न १३ ठाउँबाट प्रदर्शन गर्दै मध्याह्न १२ बजे नारायणहिटीमा आमसभा आयोजना हुने ओली निकटका युवा नेता संजिव कुमार सुरज झाले बताए ।
सभालाई प्रधानमन्त्री केपी शर्मा ओली लगायत मन्त्री र नेताहरुले सम्बोधन गर्ने कार्यक्रम रहेको युवा नेता झाले बताए ।
प्रतिक्रिया