जनकपुरधाम । धनुषामा आज राती नम्बर खुल्न नसकेको गाडीको ठक्करबाट २ जना गम्भिर घाइते भएका छन् ।
जिल्लाको मिथिला नगरपालिका वडा नम्बर-५ बसही पुल नजिक आज राती करिव साढे आठबजेको समयमा नम्बर नखुलेको गाडीले ज.६ प. २८३३ नम्बरको मोटरसाइकललाई ठक्कर दिएको हो ।
गाडीको ठक्करबाट मोटरसाइकलमा सवाई २ जना गम्भिर घाइते भएको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक मकेन्द्र कुमार मिश्रले जानकारी दिए ।
घाइते हुनेहरुमा सोहि नगरपालिका वडा नम्बर-३ का २० वर्षीय रोशन लामा र २४ वर्षीय दिपेन्द्र महतो रहेको उनले बताए ।
ठक्कर दिने सवारी साधन फरार भएपछि स्थानीयवासीले करिव आधा घण्टासम्म पूर्वपश्चिम राजमार्ग अवरुद्ध गरेका थिए ।
यता ठक्कर दिएर फरार भएका सवारी साधनको खोजी भईरहेको प्रहरीले जनाएको छ ।
प्रतिक्रिया