एजेन्सी । अफगानिस्तानको पूर्वी भाग नान्गहरस्थित सैन्य क्याम्पमा तालिबान लडाकू समूहले शनिबार आत्मघाती बम आक्रमण गर्दा ८ सुरक्षा अधिकारी मारिएका छन् ।
सो समूहले विस्फोटक पदार्थले भरिएको गाडी उक्त शिविरभित्र लगेर विस्फोट गराएका थिए । तालिबानी प्रवक्ता जबिहुल्लाह मुजाहिदले तालिबान लडाकू समूहले यो आक्रमण गरेको बताए ।
प्रायः अशान्त नै भइरहने नान्गहर प्रान्तमा आज बिहानै उक्त आक्रमण भएको हो । सो प्रान्तमा यसअघि पनि तालिबान लडाकू समूहले सरकारी सेनालक्षित घातक आक्रमण गर्दै आएका छन् ।
प्रतिक्रिया