जनकपुरधाम । धनुषामा शनिबार बिहान एक युवकको शव फेला परेको छ ।
जिल्लाको धनुषाधाम नगरपालिका वडा नम्बर-९ धारापानीस्थित बस बिसौनीमा आज बिहान युवकको शव फेला परेको हो ।
मृतक भोजपुर जिल्लाको च्याम्पे मयुम गाउँपालिका वडा नम्बर- ८ बस्ने विजय नेपाली रहेको जिल्ला प्रहरी कार्यालय धनुषाले जनाएको छ ।
अत्यधिक मदिरा सेवन गरेका कारण उनको मृत्यु भएको प्रहरीले अनुमान गरेको छ । उनी शुक्रवार साँझदेखि नै पटक पटक मदिरा सेवन गरेका थिए । राति बाहिर सुतेकाले कठ्यांग्रिएर उनको मृत्यु भएको हुनसक्ने बताइएको छ ।
मृतकको शव पोष्टमार्टमका लागि प्रादेशिक अस्पताल जनकपुरमा राखिएको र घटना सम्बन्धमा थप अनुसन्धान जारी रहेको जिल्ला प्रहरी कार्यालय धनुषाका प्रवक्ता प्रहरी नायव उपरिक्षक मकेन्द्र कुमार मिश्रले जानकारी दिए ।
प्रतिक्रिया