हेटौंडा । मकवानपुरमा यात्रुवाहक बस दुर्घटना हुँदा १५ जना घाइते भएका छन् ।
जिल्लाको बकैया गाउँपालिका-४ छतिवनमा आज बिहान करिव ९ बजे भएको सो दुर्घटनामा परी उनीहरु घाइते भएका हुन् । घाइतेमध्ये सात जनाको अवस्था गम्भीर रहेको बताइएको छ ।
धरान-चतरा सडकखण्डको छतिवनमा ना ३ ख ३३४४ नम्बरको बस अनियन्त्रित भएर सो दुर्घटना भएको जिल्ला प्रहरी कार्यालय मकवानपुरले जनाएको छ । मकवानपुरको धियाँलबाट हेटौंडा बजारतर्फ आइरहेको क्रममा बस दुर्घटनाग्रस्त भएको थियो ।
दुर्घटनामा परि घाइते भएकाहरुको छतिवनस्थित प्रहरी चौकी हात्तिसुँढेमा प्राथमिक उपचार गरिएको थियो । गम्भिर घाइते भएका सात जनालाई थप उपचारका लागि हेटौंडा रिफर गरिएको प्रहरीले जनाएको छ ।
प्रतिक्रिया