जनकपुरधाम । ट्रकको ठक्करबाट चितवनमा एक युवकको मृत्यु भएको छ भने अर्का एकजना घाइते भएका छन् ।
मृत्यु हुनेमा महोत्तरीको मनरा सिसवा नगरपालिका वडा नम्बर-९ का ३२ वर्षीय आनन्द झा रहेका प्रहरीले जनाएको छ।
बिहीबार साँझ चितवनको राप्ती नगरपालिका-१ पिप्लेस्थित पूर्वपश्चिम राजमार्गमा पूर्वबाट पश्चिमतर्फ आइरहेको ना६ख ६२८६ नम्बरको ट्रकले सोही दिशाबाट आइरहेको प्रदेश नं २–०२–००१प ५१०४ नम्बरको मोटरसाइकललाई ठक्कर दिँदा गम्भीर घाइते भएका मोटरसाइकल चालक झाको भरतपुर अस्पतालमा उपचारको क्रममा मृत्यु भएको प्रहरीले जनाएको छ ।
दुर्घटनामा परी धनुषाको जनकनन्दनी गाँउपालिका-५ की २२ वर्षीया श्वेता झा घाइते भएकी छन् । उनको पुरानो मेडिकल कलेजमा उपचार भइरहेको छ।
ठक्कर दिने ट्रक र ट्रकका चालकलाई प्रहरीले नियन्त्रणमा लिई कारवाही प्रक्रिया अगाडी बढाएको छ ।
प्रतिक्रिया