जनकपुरधाम । धनुषामा मधेश प्याबसनसँग आबद्ध विद्यालयहरूमा भोली शुक्रबार विदा रहने छ ।
शहीदहरुको सम्मान र सम्झनामा प्रत्येक वर्ष माघ १६ गते मनाइने सहिद दिवसको अवसरमा जनकपुरधामस्थित नीजि विद्यालयहरुको छाता संगठन मधेश प्याबसनले भोली विदा दिने निर्णय गरेको हो ।
देशमा प्रजातन्त्र स्थापना तथा विभिन्न समयमा स्वतन्त्रताका लागि जीवन आहुति दिने सहिदहरुको सम्झनामा मधेश प्याबसनले विदा दिने निर्णय गरेको संगठनका धनुषा जिल्ला अध्यक्ष सुजित मिश्रले जानकारी दिए ।
धनुषामा मधेश प्याबसनसँग आबद्ध २८ वटा निजी विद्यालयहरु रहेका छन् । सहिद दिवसमा केन्द्र सरकारले सार्वजनिक विदा कटौति गरिसकेको अवस्था छ ।
प्रतिक्रिया