एजेन्सी । क्यामरुनमा एक यात्रुवाहक बसमा आगलागी हुँदा ५३ जनाको मृत्यु भएको छ भने २९ जना गम्भीर घाइते भएका छन् ।
पेट्रोलियम पदार्थ बोकेको एक ट्याङ्करका चालकले नियन्त्रण गुमाएपछि बसमा ठोक्किएर आगलागी भएको बताइएको छ ।
देशको मध्यपश्चिम क्षेत्रस्थित क्लिफ अफ डिस्चाङ नामक स्थानमा बुधबार दिउँसो साढे ३ बजे सो दुर्घटना भएको हो ।
दुर्घटनामा परी मृत्यु भएकाहरूको शव जलेकाले पहिचान गर्न कठिनाई भइरहेको स्थानीय अधिकारीहरुले जनाएका छन् ।दुर्घटनामा परेको बसमा ७० सिट थियो ।
सरकारी अधिकारीहरूले दुर्घटना बारे अनुसन्धान भइरहेको जानकारी दिएका छन् ।
प्रतिक्रिया