जनकपुरधाम । सिरहाबाट ब्राउन सुगरसहित एक युवक पक्राउ परेको छ ।
प्रहरीले सिरहाको नरहा गाउँपालिका-३ चोहर्वाका १९ वर्षीय कृष्णकुमार महतोलाई पक्राउ गरेको हो ।
सिरहा प्रहरीले युवक महतोलाई बुधबार दिउँसो ३ बजे चोहर्वाबाटै बिक्री वितरणकालागि लगिरहेको १४ थान पोकामा रहेको ३२० मिलिग्राम लागुऔषध ब्राउन सुगरसहित पक्राउ गरेको थियो ।
प्रदेश २ प्रहरी कार्यालय जनकपुरको विशेष टोली र इलाका प्रहरी कार्यालय गोलबजारको संयुक्त टोलीले गोप्य सूचनाको आधारमा चेकजाँच गर्दा महतोलाई ब्राउन सुगरसहित नियन्त्रणमा लिएको हो ।
पक्राउ परेका महतोलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय सिरहाले जनाएको छ ।
प्रतिक्रिया