ताजा समाचार


प्रधानमन्त्री ओलीविरुद्ध सर्वोच्चमा मुद्दा दर्ता

द रियल समाचार     २०७७ माघ १३, मंगलवार, १५: ०१ मा प्रकाशित




काठमाण्डौ । प्रधानमन्त्री केपी शर्मा ओलीविरुद्ध सर्वोच्च अदालतमा मानहानीको दुईवटा मुद्दा दर्ता भएको छ ।

वरिष्ठ अधिवक्ता कुमार शर्मा आचार्य र अधिवक्ता कञ्चनकृष्ण न्यौपानेले प्रधानमन्त्री ओलीविरुद्ध छुट्टाछुट्टै अवहेलना मुद्दा दर्ता गराएका हुन् । आचार्यको मुद्दा ५२२१ नम्बरमा र न्यौपानेको मुद्दा ५२२६ नम्बरमा दर्ता भएको छ ।

माघ ९ गते काठमाडौंमा भएको एक कार्यक्रममा प्रधानमन्त्री ओलीले वरिष्ठ अधिवक्ता कृष्णप्रसाद भण्डारीले संसद विघटनविरुद्ध सर्वोच्च अदालतमा बहस गरेको विषयमा निन्दायुक्त टिप्पणी गरेको उनीहरुको जिकिर छ । त्यतिबेला प्रधानमन्त्रीले ‘एक जना बाजे वकिललाई सर्वोच्च लगेर तमासा देखाएछन’ भन्ने शब्दको प्रयोग गरि टिप्पणी गरेका थिए ।

वरिष्ठ अधिवक्ता आचार्यले संसद विघटनको मुद्दामा सर्वोच्च अदालतमा भइरहेको बहसलाई ‘तमासा’ र बहस गर्ने कानुन व्यवसायीलाई ‘बाजे’ भन्ने निन्दायुक्त शब्द प्रयोग गरेर प्रधानमन्त्रीले अदालतको अवहेलना गरेको भन्दै ओलीमाथि न्याय परिषद् ऐन २०७३ को दफा १७ अनुसार हदैसम्मको सजाय माग गरेका छन् ।

निवेदकद्धयले प्रधानमन्त्रीको अभिव्यक्तिबाट न्याय प्रक्रियाको गरिमामा आँच पु¥याएको र न्यायालयको समेत अपहेलना भएको उललेख गरेका छन् ।

यो खबर पढेर तपाईलाई कस्तो महसुस भयो ?


प्रतिक्रिया




Top