जनकपुरधाम । धनुषामा आफैले चलाएको ट्रयाक्टर पल्टिदा चालकको मृत्यू भएको छ ।
जिल्लाको विदेह नगरपालिकास्थित ठाढीझिझाबाट दुहवी तर्फ जाँदै गरेको नम्बर खुल्न नसकेको ट्रयाक्टर अनियन्त्रित भएर दुर्घटना हुँदा ट्रयाक्टर चालकको मृत्यू भएको हो ।
मृत्यु हुनेमा विदेह नगरपालिका वडा नम्बर–३ गोबराही बस्ने ३० वर्षीय विनोद कुमार महरा रहेको सीमा प्रहरीचौकी दुहवीका प्रहरी सहायक निरीक्षक हिलस कुमार सिंहले जानकारी दिए । उनले दिएको जानकारी अनुसार सोमबार विहान साढे ११ बजे माटो लिन ठाढीझिझाबाट दुहवी तर्फ जाँदै गरेको ट्रयाक्टर अनियन्त्रित भएर दुर्घटना हुँदा चालक महराको मृत्यू भएको हो ।
ट्रयाक्टर पल्टिदा स्टेरिङ्गले च्यापिएर महराको घटनास्थलमै मृत्यु भएको प्रहरीले जनाएको छ । घटनाको विषयमा थप अनुसन्धान भइरहेको बताइएको छ ।
प्रतिक्रिया