जनकपुरधाम । सप्तरीमा भएको सवारी दुर्घटनामा परि २ जनाको मृत्यु भएको छ भने एकजना गम्भीर घाइते भएका छन् ।
जिल्लाको खडक नगरपालिका-११ बनौलीमा तिब्र गतिमा रहेको मोटरसाईकल दुर्घटना हुँदा २ जनाको मृत्यु र १ जना गम्भीर घाइते भएको जिल्ला प्रहरी कार्यालय सप्तरीले जनाएको छ ।
दुर्घटनामा मोटरसाईकल चालक सप्तरीको खडक नगरपालिका-११ बनौलीका २१ वर्षीय शिवेन्द्र साह र सोही ठाउँका २५ वर्षीय अरविन्द यादवको मृत्यु भएको जिल्ला प्रहरी कार्यालय सप्तरीले जनाएको छ ।
गम्भीर घाइते भएका दुबै जनालाई उपचारका लागि अस्पताल लैजाने क्रममा बाटोमै मृत्यु भएको जिल्ला प्रहरी कार्यालय सप्तरीका प्रवक्ता भुवनेश्वर प्रसाद साहले जानकारी दिए ।
तिब्र गतिमा तीन जना सवार भई पूर्वतर्फ आउँदै गरेको प्रदेश २–०१–००१–६१४६ नम्बरको मोटरसाईकल अनियन्त्रित भई दुर्घटनामा परेको बताइएको छ ।
दुर्घटनामा परि घाइते भएका २१ वर्षीय सुनीलकुमार चौधरीको राजविराजस्थित छिन्नमस्ता अस्पतालमा उपचार भइरहेको छ ।
मृतकद्वयको शव पोष्टमार्टमकालागि राजविराजस्थित गजेन्द्रनारायण सिंह सगरमाथा अस्पतालमा राखिएको छ ।
प्रतिक्रिया