जनकपुरधाम । महोत्तरीमा भएको मोटरसाइकल दुर्घटनामा परि एकजनाको मृत्यु भएको छ भने दुईजना घाइते भएका छन् ।
बुधबार दिउँसो गौशाला नगरपालिका वडा नम्बर-१ स्थित रेल्वे ट्रयाक नजिक ज.१२ प. २७३ नम्बरको मोटरसाइकल अनियन्त्रित भई दुर्घटना हुँदा मोटरसाइकलको बीचमा बसेका धनुषाको धनौजी गाउँपालिका वडा नम्बर-५ बहुअर्वा बस्ने २० वर्षीय नौसाद अन्सारीको मृत्यु भएको प्रहरीले जनाएको छ ।
दुर्घटनामा मोटरसाइकल चालक सोही ठाउँ बस्ने २६ वर्षीय करामद अन्सारी र पछाडि सवार १९ वर्षीय असाद अन्सारी घाइते भएका छन् ।
मृतक अन्सारीको शव पोस्टमार्टमका लागि जिल्ला अस्पताल जलेश्वरमा राखिएको र घाइतेहरूको स्थानीयस्तरमा उपचार भइरहेको जिल्ला प्रहरी कार्यालय महोत्तरीले जनाएको छ ।
प्रतिक्रिया