जनकपुरधाम । धनुषा प्रहरीले दुई वटा कटुवा पेस्तोल सहित एक युवकलाई जनकपुरबाट पक्राउ गरेको छ ।
पक्राउ पर्नेमा धनुषाको लक्ष्मीनिया गाउँपालिका वडा नम्बर–१ सोहनी बस्ने रामसिकेश यादवका १८ वर्षीय छोरा बिबेक यादव रहेको जिल्ला प्रहरी कार्यालय धनुषाका प्रवक्ता प्रहरी नायव उपरिक्षक मकेन्द्र कुमार मिश्रले जानकारी दिए ।
जिल्ला प्रहरी कार्यालय धनुषाबाट खटेको टोलीले जनकपुरधाम
उपमहानगरपालिका–१९ बावनबिग्हा जाने बाटोबाट मंगलबार उनलाई पक्राउ गरेको डिएसपी मिश्रले बताए । हातहतियार ओसारपसारको गोप्य सूचनाको आधारमा उक्त टोलीले उनलाई पक्राउ गरेको जिल्ला प्रहरी कार्यालय धनुषाले जनाएको छ ।
हतियार सहित पक्राउ परेका उनलाई आवश्यक कारवाहीका लागि जिल्ला प्रहरी कार्यालय धनुषामा राखिएको र घटना सम्बन्धमा थप अनुसन्धान भईरहेको प्रहरीले जनाएको छ ।
प्रतिक्रिया