जनकपुरधाम । सप्तरीमा युवती जिस्काएको निहुँमा झगडा हुँदा १५ जना घाइते भएका छन् । जिल्लाको रुपनी गाउँपालिका–३ स्थित हर्दिया कटैयामा युवतीलाई जिस्काउँदा दुई पक्षबीच भएको झगडामा १५ जना घाइते भएका हुन् ।
स्थानीय १६ वर्षीया युवतीलाई स्थानीय युवाहरुले जिस्काएपछि बिहिबार राति भएको झगडामा युवती पक्षका ८ जना र युवक पक्षका ७ जना गरि १५ जना घाइते भएको जिल्ला प्रहरी कार्यालय सप्तरीका प्रवक्ता प्रहरी नायव उपरिक्षक भुवनेश्वर प्रसाद साहले जानकारी दिए ।
घाइते हुनेहरुमा युवती पक्षका दिनेश सरदार ,छोटेलाल सरदार ,वसन्त सरदार लगायत रहेका छन । त्यस्तै युवक पक्षबाट दिपेन्द्र मुखिया ,लक्ष्मण मुखिया ,सकलदेव मुखिया सहितका व्यक्तिहरु समान्य घाइते भएको प्रहरीले जनाएको छ ।
घाइतेहरुको हाल राजविराजस्थित गजेन्द्रनारायण सिंह सगरमाथा अस्पतालमा उपचार भइरहेको तथा घटना सम्बन्धमा थप अनुसन्धान कार्य अगाडी बढाइएको जिल्ला प्रहरी कार्यालय सप्तरीले जनाएको छ ।
प्रतिक्रिया