बैतडी–
बैतडीमा ट्रयाक्टर दुर्घटना हुँदा एक जनाको मृत्यु भएको छ भने अन्य दुई जना घाइते भएका छन् । सोमबार बिहान करिव २ बजेको समयमा धनगढीबाट बझाङतर्फ गइरहेको अनटेस्ट ट्रयाक्टर जयपृथ्वी राजमार्गअन्तर्गत बैतडीको सिगास गाउँपालिका–९ बाँजपानीमा दुर्घटनामा परेको हो ।
दुर्घटनामा परि बझाङको बित्थडचीर गाउँपालिका–४ का ४० वर्षीय जितबहादुर बोहराको घटनास्थलमै मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक जनकबहादुर धामीले जानकारी दिए । त्यस्तै ट्रयाक्टर चालक बझाङको बित्थडचीर गाउँपालिका–५ बस्ने ३२ वर्षीय नरेन्द्र महरा र सोहि ट्रयाक्टरमा सवार बित्थडचीर गाउँपालिका–४ का २० वर्षीय कृष्ण बोहरा घाइते भएका छन् ।
दुबै खुट्टा भाँच्चिएको चालक महरा र खुट्टामा चोट लागेको बोहरालाई उपचारका लागि डडेल्धुरा अस्पताल पठाइएको प्रहरीले जनाएको छ ।
प्रतिक्रिया