धनगढीः बैतडीमा जिप दुर्घटना हुँदा एकको मृत्यु भएको छ भने तीन जना घाइते भएका छन् ।
धनगढीबाट छुटेको से १ ज ८४३ नं.बलेरो जिप जिल्लाको सुर्नया गाउँपालीका-७ आलुगैरामा दुर्घटना हुँदा चालकको मृत्यु भएको प्रहरीले जनाएको छ ।
दुर्घटनामा चालक बझाङको बुङ्गल नगरपालिका-११ का २६ वर्षीय धन बहादुर बोहरा हुन् । दुर्घटनामा ३ जना घाइते भएका छन् ।
घाइते हुनेमा बैतडीको पुर्चौडी नगरपालिका-४ का ३५ वर्षीय जनकराज भट्ट, ४० वर्षीय गंगादत्त भट्ट र बझाङको चिरबित्थडका २७ वर्षीय हरिश बोहरा रहेका छन् ।
बोहरा बाहेकका २ जनाको अवस्था गम्भीर रहेको छ । उनीहरुलाई घट्नास्थलबाट उद्दार गरी उपचारका लागि डडेल्धुरा अस्पताल पठाइएको प्रहरीलेको भनाइ छ ।
प्रतिक्रिया